Para muitos, l Festibal “ O burro e o gaiteiro ” nun ye inda mui coincido, mas ye yá ua de las maiores atibidades culturales de l Praino. Este Festibal ten la sue maior birtude, an ser un Festibal que se faç por bárias aldés de l Praino i lieba a la partecipaçon de nuobos i bielhos i ye un modo de fazer la dinamizaçon de la cultura i fazer cun que todos tómen ciuncéncia de que l zambuolbimento solo ye possible se fur un zambuolbimento antegrado.
Mas mais que todo l que púodamos dezir ou screbir, ye ber l bideo. La AEPGA i ls Galandum Galundaina stan de parabienes porque cunseguírun ajuntar centenas de pessonas de todo mundo a cumbibíren cun las gientes de las aldés i assi dinamizáren la nuossa cultura i ajudáren a preserbar ls burros, animal que staba an bias de stinçon. L Festibal, este anho, fui nas aldés de Fuonte Aldé i Palaçuolo, de Miranda i las aldés de Bilar Seco i Caçareilhos, de Bomioso.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
