Lhougo pula manhana ls pauliteiros de Prado Gaton ampeçórun l peditório para la fiesta de Nuossa Senhora del Resáiro i pulas rues de la aldé íban tocando i dançando. Ye ua tradiçon que ben de l séclo passado i tem muito de curioso l peditório. Cumo podeis ber pul bideo, ls trajes nun son l mais amportante, ne l peditório la música i la ligaçon de ls pauliteiros i l pobo si que amporta.
Quando la smola ye melhor, ls pauliteiros dánçan un lhaço i nó ralas bezes ls de la casa dánçan tamien cun eilhes, mesmo se ye un moço ou ua moça, l que amporta ye saber dançar. Tamien la dança nun ten que ser porfissional, ye l pobo a dançar, ye la tradiçon, ye la berdadeira dança popular. La dança cumo debe de ser será lhougo a la nuite ou apuis de la procisson. Bá, se nun stais mui loinje ide alhá a las trés de la tarde para chegardes a tiempo a la missa. La procisson bai a ser linda i parece que tamien ban a dançar las danças mistas.
