CAMBOIO TURISTICO
PIQUENICON
Cul antuito d'ounir la mocidade mirandesa, rializa-se ne l próssimo die 27 de Agosto l “Pichenicon”. Esta ye yá ua tradiçon que ls moços de Miranda de l Douro rialízan religiosamente todos ls anhos ne l més de Agosto. Para esta eidiçon, l'ourganizaçon a cargo de la ARJM (Associaçon Recreatiba de la Mocidade Mirandesa ) promete muita adrenalina, dibertimiento i eissencialmente muita emoçon.
CAMINADA A PIE PUL PRAINO
Abintura, eimoçon, animaçon i muita adrenalina son alguns de ls angredientes que ides ancuntrar ne l 14º passeio pedestre ne l Praino Mirandés a rializar ne l próssimo die 5 de Setembre. La stória, la cultura i la tradiçon ban a marcar persencia al longo de ls 14 Km de caminada antre Miranda de l Douro i l Naso. Para alhá desso, ls partecipantes ban a tener l'ouportunidade única de çfrutar dua de las mais guapas paisaiges de l Praino Mirandés i al mesmo tiempo quemunicar cula giente d'alguas aldés de l cunceilho.
Porgrama:
Hora de la partida: 8h
Local de la partida: Puosto de Turismo de Miranda de l Douro
Eitinerário: Miranda de l Douro – Palancar- Póboa – Naso – Almuorço- Regresso a Miranda de l Douro (trasporte i almuorço assegurado pula outarquia)
Total de l percurso: 14 Km
Duraçon: 3 horas
Cunselhos úteles: calçado apropiado, roupa lebe i auga fresca
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
