La Cooperatiba Ribadouro de Sendin stubo na Feira Anternacional de las Arribes del Douro que se realizou an Spanha, Trabanca, la tierra adonde se ban a criar 64 ampregos para jobes pertueses i spanholes, cumo débeis tener bisto na telbison pertuesa. Yá alhi trabalhórun sendinesas i pensamos que algua mais irá a trabalhar.
L bideo ye de la Feira adonde stubírun jobes sendineses ne ls sítios de la Ribadouro i de la Corane , de que faç parte la Cooperatiba de Sendin i a quien esta dou todo l apoio. Estes jobes trabalhórun sien ganhar nada, solo por ajudar, cousa que ralamente se bei. A pagar hai muito anteressado, mas para pormober la nuossa region hai poucos. La Cooperatiba ten sido un ouasis ne l meio de l deserto de eideias i muitas bezes cun sendineses a trabar l porgresso.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
