Bragança nun squece las gientes que trabálhan na agricultura porque sabe bien que siempre que se trabalha la tierra algo se acrecenta a la riqueza de la region. Yá mais de ua beç tenemos dito eiqui que la agricultura ten que ser siempre ua atibidade prioritária, porque todos ls paízes dében assigurar l mínimo de alimentos, yá que sien comer naide bibe. Ua de las mais balies de ls cunceilhos de la tierra frie ye la carne de la baca de raça mirandesa, l solar ye an Miranda, la raça chama-se mirandesa, la Associaçon ten la sede ne l cunceilho, mas parece que las bacas ban sendo mais ralas ne l Praino.
Bragança dedica tols anhos un die al labrador i l cuncurso de la raça mirandesa ye siempre un de ls momentos mais amportantes de l die assi cumo las chegas de buis que líeban dezenas de criadores i centenas de populares a las “chegas”. Ye desse die l bideo que bos ponemos hoije i lembramos tamien que hai tols anhos un cameonato ne l cunceilho de Vinhais. L numaro de sploraçones de bacas de raça mirandesa bai sendo cada beç mais pequeinha, ye amportante dinificar mais la atibidade.
