Las bacanças stan a acabar i muita giente de l Praino que bibe ne l stranjeiro i nas grandes cidades de llitoral, bino a passar las bacanças a las sues tierras para star culas sues familhias i para assistir a las fiestas de Berano. Acabadas las fiestas ye tiempo de buolber als sítios adonde trabálhan i bíben la maior parte de l anho, mas muitas bezes nun se dan cuonta que la biaige de regresso puode ser mui cumplicada, tanto porque son muitos ls que ándan na strada nestas alturas, mas tamien porque andar de carro ye mui peligroso se nun se tomáren las debidas precauçones.
Para que todos ls que ban a fazer biaige tómen mais cuidado, ende bos queda l bideo cun las eimages de l maior acidente que bimos i que onte matou 5 pessonas i fizo dezenas de feridos, tenendo inda ardido 9 carros i 2 camenhones. Para ls que nun podírun ber las eimages na telbison ou que stan adonde las amboras de Pertual nun chégan ou chégan tarde, deixamos-bos este bideo que débeis ber bien i pensar nel antes de fazerdes la biaige.
