L fenómeno inda nun ten rezon de ser. Las abeilhas stan a zaparecer an Pertual i ne l mundo. La Federaçon Nacional de ls Apicultores Pertueses yá faç parte dun grupo anternacional que s’acupa a analisar l fenómeno. L persidente de la FNANP afirma que la situaçon inda nun ye preacupante, mas que puode benir a ser "a cúrtio prazo". An declaraçones al jornal Público, Manuel Gonçalbes splica qu'eisísten bárias rezones que púoden star na ourige de la situaçon, mas al probar-se que "ye un fator ambiantal, esso puode ser preacupante".
Númaros apersentados pul respunsable apunta que "todos ls anhos, hai siempre ua falha de cerca de 20 por ciento de colmenas que nun se cunsigue reponer". L recenseamiento ye rializado a meio de l'anho i l redadeiro registra ua chubida an cinco por ciento ne l númaro de colmena. Atualmente son acerca de 400 mil.
L zaparecimiento de las abeilhas puode seneficar porblemas sérios pa l'ambiente i pa l própio Home, yá que segundo númaros de la ONU , estes animales son respunsables pula difuson de las semientes de mais de 70 por ciento de ls alimientos que l ser houmano cunsume.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
