Azinhoso fui un de ls percipales centros de peregrinaçon de la eidade média i son muitos ls decumientos que fálan desta poboaçon. Mas eiqui queremos solo dar-bos ua pequenha amostra de la sue stória, porque ye siempre amportante saber algo de las nuossas aldés de l Praino. La sue eigreija ye de l séclo XIII, stilo românico-gótico i inda hoije podemos ber neilha sinales de l tiempo de las peregrinaçones, las quelunas que susteníen ls cubiertos adonde penuitában ls peregrinos ne l sou camino para Santiago de Cumpostela. Tamien a la antrada de las puortas hai uas piedras para ls cabalhos nun podéren antrar. Fui cunceilho i na eidade média fazie-se alhá ua de las feiras mais amportantes de l Norte de Pertual. Fui aprobeitando l die de la feira, que hoije se fázen l çfile i la gincana de burros, de que trata l bideo que bos ponemos.
Mas la stória de Azinhoso ten muitas mais cousas amportantes i a amostrar que fui assi tan amportante, podemos apreciar l pelourinho sinal de que alhi era feita justícia. Ye un pelourinho seicentista de base cilíndrica assente subre l soco cun trés scaleiras quadrangulares. Reza la stória tamien que fui centro amportante de rendas i l cundestáble de Pertual, D. Nuno Alvares Pereira, stubo alhi cun las sues tropas i rezou na eigreija a Nuossa senhora de la Natebidade. Chegou a tener spital para acudir als que por li peregrinában durante tol anho.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
