Hoije fumos a Peredo de Bemposta a la fiesta de las bindímias, porque, cumo tamien somos presidente de la Cooperatiba Ribadouro de Sendin i las bendímias stan ende a la puorta hai que star culs associados, que son de to l Praino. Fui buono tener ido alhá porque fui ua fiesta popular a la moda de antes, cun bailarico i todo. Comiu-se i bobiu-se bien i apuis fui l baile para todos, nuobos i bielhos. Ye de l cumbibio, l bideo que bos ponemos. Tamien fui agradáble ber cumo ls associados stában cuntentos por podéren amostrar a muitos de fuora, que lhebában l sou bino, que l de la sue Cooperatiba era tan buono ou melhor. Nun fui la Cooperatiba que l dou, mas que eilhes habíen cumprado ou que nós própios habiemos lhebado. Esta festa fui ourganizada pula Associaçon Recreatiba i Cultural de Peredo cun apoio de la Junta de Freguesie.
Hoje fomos a Peredo de Bemposta à festa das vindimas, porque, como também somos presidente da Cooperativa Ribadouro de Sendim e as vindimas estão aí à porta, há que estar com os associados, que são de todo o Planalto. Foi bom ter ido lá porque foi uma festa popular à moda antiga, com bailarico e tudo. Comeu-se e bebeu-se bem e depois foi o baile para todos, novos e velhos. É do convívio, o vídeo que vos mostramos. Também foi agradável ver como os associados estavam contentes por poderem mostrar aos que estavam na festa e eram de longe e levaram o seu vinho, que o da sua Cooperativa era tão bom ou melhor. Não foi a Cooperativa que o deu, mas que eles haviam comprado ou que nós própios levamos. Esta festa foi organizada pela Associação Recreativa e Cultural de Peredo, com apoio da Junta de Freguesia.
