Ls Grazes de Sendin,son siempre ua feira de las maiores de l Praino, datrás era coincida pula feira de ls burros, mas cun la sustituiçon de ls burros puls tratores, na agricultura, la feira yá ye mais aparecida a la feira de Mogadouro i dende, passar a ser mais coincida por feira de ls Grazes de Sendin.
Pula manhana l die staba búzio i cumo podeis ber puls retratos, pouca giente se abínturou a fazer compras, mas l bício ye siempre ua cousa que ataca muita giente i habie algus rejistentes a quien la chuba nun assustou.
Pula tarde yá l tiempo ajudaba i la feira fui buona, nun faltando la giente, que cuntrariando la crise, iba culs sacos de compras nas dues manos. Tamien ls dançadores de Miranda dórun la buolta a la feira i dançórun ls lhaços mais coincidos para alegrie de la giente que se animou junto de l cruzeiro i dançou l repasseado al toque de la gaita.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
