Passados dous anhos zde la última beç que houbo curso de treinadores, an Bergáncia, ampeçou nesta Segunda-Feira un curso de treinadores pormobido pula “A.F. Bragança”, que tubo muita giente antressada. Mais de 80 anscritos, mostra bien que l curso bai a baler la pena. Agora speramos que deiqui salga algun ou alguns feturos treinadores, para la purmeira Liga.
L curso será a las Segundas, Sestas i Sábados para l futebol, níble 1 i 2, este recoincido pula UEFA i Segundas, Sestas, Sábados i Demingos para l FUTSAL. Tamien tenemos alhá un sendinés – Chico Parreira – cumo podeis ber pul bideo. Sabemos que inda se fázen anscriçones i que hai mais sendineses antressados.
RECORDAÇONES
Estação de Sendim (Miranda do Douro)
Este ye un retrato de la staçon de Sendin quando inda andaba l camboio, inda habie quien se ponisse al Sol a fazer renda, junto a la staçon, inda alhi moraba giente. Ls repórteres de l HOIJE yá nesse tiempo registrában las cousas. Muitas outras recordaçones tenemos para ls bielhos recordar i ls nuobos béren cumo era - de Sendin i de l Praino.
Hai por ende muito quadro de retratos que demos para fiestas ou trabalhos, que pul menos respéiten a quien ls tirou…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
