La raia cula Spanha durante esta sumana bai a quedar sujeita a las reglas de antes de l spácio Shengen, que permitie la passaige libre antre ls paízes de la EU. Zde hoije até Sesta, ne l çtrito, solo se puode antrar pula raia de Quintanilha. Salir ye mais fácele i la passaige de la giente de la raia tamien, mas l melhor ye eibitar las salidas para Spanha i lebar siempre ls decumientos de eidentificaçon, porque puode ser defícele antrar, por bias de la cimeira de la NATO.
Foto – Rádio Brigantica – Quintaillha
L bideo a seguir, amostra l que se stá a passar nas percipales raias de Pertual. Por Miranda, ls moradores de la raia púoden passar de un lado para l outro, mas ténen que se eidentificar i lebar ls BI ou passaporte.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
