G.D.SENDIM APOSTA NAS CAMADAS JOVENS
Sendin – 1 Mãe d’Água – 2
Parecie un jogo grande, muita giente a ber
L banco de l Sendin, un brasileiro (Leo)
L G.D.SENDIN aposta este anho ne ls ninos para pormober l çporto i ne l futebol bai a cumpetir cun dues eiquipas, Benjamins i Einiciados 1º.anho . Ls purmeiros jogos son a partir de las 10h d’hoije i l Sendin joga an casa cula Mãe d’Água , eiquipa de Bergancia. A la hora de screbir esta ambora, yá se habie realizado l jogo de ls Beijamins i son del ls retratos. Manhana podereis ber un pequeinho bideo de l jogo.
L banco de l Mãe d'Água
MARCO FERREIRA TREINA AN BERGÁNCIA
Marco Ferreira, jogador de futebol de l Praino, natural de Bomioso i que yá jogou ne l Benfica i ne l Porto, stá a fazer l curso de treinadores na A.F.B. i treina ne l G.D.Bragança. Serie un buono reforço para l G.D.Bragança, mas inda nun ye tiempo de buolber al clube adonde ampeçou, cunsante las sues palabras, mas gustarie de acabar la carreira an Bergáncia.
UA HOUMENAGE ALS EIMIGRANTES DE LS ANHOS 60/70
Francisco da costa Andrade
(retrato de Carla A. Gonçalves – Mensageiro)
Francisco da Costa Andrade, nua eidiçon del, nun precisou de l nuosso denheiro para publicar l sou libro, registrou las mimórias de ls que a salto, tubírun que ir pul mundo a saber de ganhar la bida. Ye un libro que mos diç muito a todos, ls que tubírun familiares eimigrados i que tubírun que ir a salto.
