Pulas rues de la cidade de Bergáncia çfilórun ls caloiros de ls bários cursos de l IPB (Instituto Politécnico de Bragança). Muitos de l Praino, que ampéçan ua nuoba bida de scuola. Ua eitapa mais eisigente i que eilhes quíren que Seia l’ampeçar de ua nuoba bida. L feturo de las nuossas tierras tamien stá alhi, mas será que ls que mos gobérnan pénsan bien ne l feturo destes moços i moças???
Quien bei este bideo nun puode deixar de pensar, que la alegrie que stá bien presente na cara de ls nuossos moços i moças nun puode ser solo nestes dies i fazer cun que eilha se mantenga ye obra de todos ls que somos respunsábles por esso. Pais, porsores i gobernantes ténen ua respunsablidade maior, mas ye oubrigaçon de toda la sociadade, que se debe mantener siempre atenta i que debe saber eisigir que cada un faga l que debe.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
