Las obras de las stradas nuobas que ban a mudar la bida de l Nordeste Trasmontano ban andando bien i la A 4 ye ua realidade, l IC5 ten yá alguns cachos prontos i drento de pouco tiempo abrirán. Mas l IP2, de que pouca giente fala, yá ten bários cachos abiertos i la biaige de Trancoso a Bragança demora menos meia hora. Para nós ye tamien mui amportante porque Lisboa queda tamien mais acerca.
www.novaguarda.pt/fotos/258/7906.JPG
Solo pensamos nas stradas para l Porto que son la A 4 i l IC5, mas cula ligaçon al IP2 zde Mogadouro, la biaige para Lisboa, Viseu i Coimbra, demorará pul menos, menos 1 hora. Loige ban ls tiempos an que habie que ir de mula até la feira de Trancoso, cumo l fazírun alguns sendineses, inda bibos. Oubi muita beç cuntar ls trabalhos que passában, para lebar l ganado puls caminos, até la feira. Gustariemos de bos cuntar todas essas cousas, mas la gana i l jeito nun son muitos…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
