Quando era pequeinho oubie dezir muitas bezes l dito “Por saber nuobas nun bos mateis, bielhas ou nuobas bós las sabereis” i cul tiempo fui-me dando cunta que si era berdade. Mas quien nun quier sperar pul que há de benir, ben al HOIJE i tols dies bai sabendo las nuobas de l Praino.
CRUZ VERMELHA RECOLHE ROUPA USADA
Junto de la casa de la Junta de Freguesie de Sendin, hai un sitio adonde poner la roupa que por algua rezon yá nun podemos usar, mas que stá an cundiçones para quien precisa. Mas tamien podeis poner roupa nuoba i ne ls tiempos que bibimos, ye crime stragar l que faç falta a quien pouco ten.
EDP APOIA RECOLHA DE SEMENTES
La custruçon de las barraiges i las obras de melhoramento de las que yá eisísten ne l Douro Anternacional, ténen algun eifeito ne l ambiente, que nalguns casos queda afetado. Para cumpensar esto, la EDP stá a fazer ne ls cunceilhos adonde quédan las barraiges ua açon junto de las scuolas, para animar ls ninos a recolher las sementes de las plantas de la sue region para apuis sembrar.
BOMBEIROS DE SENDIM TÊM OUTRO AUTOTANQUE
Ls bumbeiros de Sendin ténen un autotanque para melhor podéren abastecer de áuga ls staleiros de las obras de l IC5. L autotanque inda bai a ser pintado culas quelores de ls bumbeiros, mas yá puode cumprir l fin para que fui cumprado.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
