Para ls que stan longe, ende queda mais ua amostra de Sendin a parecer ls tiempos anti(g)os, an que l carambelo tomaba cunta de todo i passabamos a semanas cun todo cungelado. Quien nun se lembra de ls churones que se criában ne ls beirales, que mais parecíen de bidro?!...
Estes dous si que se lémbran, mas aposto que nun se lémbran de quando l tiremos este retrato. Agora yá ban acabadotes, mas inda stan capazes de rumper meias suolas…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
