Ándan por ende ls antendidos de l turismo a saber de cumo cumbencir ls outros, porque eilhes solo fázen turismo por Pertual, se ban a fiestas ou açones ourganizadas por eilhes, ye porque le queda mais barato.
Tols dies sabemos de açones de pormoçon i de reuniones de doutores, que bénen a gastar mais uns testones de l pouco que yá tenemos para, dízen eilhes, pormober l zambuolbimento rural. Apuis ajúntan tamien uns grupos de cantilenas i alhá bamos cantando i rindo.
Nós que bamos fazendo cun que ls berdadeiros sendineses i las gientes de l Praino, gústen mais de las nuossas tierras i nun se squéçan deilhas de modo a beníren mais bezes i a traéren giente culhes a passar uns tiempos porqui, somos atacados tols dies por esses doutores, que ténen miedo de perder ls caldeirones, chenos cul nuosso denheiro i adonde fártan ls çufinos.
Quanto bale este bídeo, que nun ye ambentado? Era assi l Praino onte, que melhor postal turístico?
A LA NUITE , SENDIN TAMIEN ERA GUAPO
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
