Cun este son yá quatro ls acidentes ne l Praino ne ls últimos dies. Stan a ser feitas ambestigaçones para ber se hai algua ligaçon antre las causas de ls acidentes, mas pul que sabemos, las reglas de siguráncia stan a ser cumpridas i nós miesmos tenemos acumpanhado alguns trabalhos i bimos que hai l mássimo cuidado, mas hai siempre cuntrariadades que naide puode prebenir.
Neste caso, l trabalhador tenie cul las botas, las lubas, l capacete i ls cintos, cunsante dixo l comandante de ls bumbeiros de Bomioso. Este acidente dou-se na Argoselo i l trabalhador era de Figueira da Foz i trabalhaba para ua ampresa de Braga. Ne l sitio de l’acidente stubo la GNR i la eiquipa helitrasportada de l INEM de Macedo de Cavaleiros.
L purmeiro acidente fui socorrido puls bumbeiros de Sendin, de que demos ambora eiqui. Que nun seia preciso que la eiquipa de Sendin tenga trabalhos desses ye l que deseamos, mas eilha stá siempre çponíble a to la hora, mas bai fazendo outros trabalhos, tamien uteles cumo este, que fui apanhar las azeitunas de las oulibeiras de la Associaçon.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
