Mais un festibal “Geada” an Miranda, de la mocidade de la cidade, ende teneis un bideo i a seguir, l comunicado de la ourganizaçon de l festibal:
«Decorrerá de 28 a 30 de Dezembre, l "GEADA 2010 - III Festibal de Cultura Tradecional de las Tierras de Miranda", ua ourganizaçon de ls Pauliteiros de la Cidade de Miranda de l Douro i de la Associaçon Recreatiba de la Mocidade Mirandesa.
Nesta 3ª eidiçon, prometemos guiar ls bejitantes nua pequeinha biaige pulas tradiçones d'ambierno de l praino mirandés, al sonido d'alguns de ls melhores grupos de música tradecional de l nuosso paíç. Galandun Galundaina, Sabastian Antuns, Karrossel, Oghan, Uxu Kalhus i Roncos de l Diabo son ls çtaques de l GEADA 2010.
An Paralelo decorriran dibersas atebidades cumo: la "Mirarte - III Sposiçon Artística de la Mocidade Mirandesa , arruadas, ua buolta pulas adegas típicas, palhestras, ouficinas de danças tradecionales, oufecinas de pauliteiros, oufecinas de scrita i ouralidade de léngua mirandesa.
