CARNE DE BACA MIRANDESA
La Coperatiba Agro-Pecuária Mirandesa aguarda l reconhecimiento de la Chamaçon de Ourige Protegida (DOP) de la «Puosta Mirandesa i de l «Redeon Mirandés», para poner estes perdutos ne l mercado yá ne l próssimo anho.
La chicha mirandesa yá se ancontra protegida pula DOP, mas l'oujetibo ye apostar na promoçon destes sub-pordutos para reforçar la perséncia de la marca ne ls mercados nacionales i anternacionales
A par de la DOP , la Cooperatiba tamien yá pediu a la Ounion Ouropeia i al Menistério de la Agricultura l'alargamiento de l’ária geográfica pa la porduçon de bobinos mirandeses, que tamien cunta cun animales an zonas çtantes de l solar de la raça, cumo l’Alanteijo.
XI EDIÇÃO DA FEIRA DE ARTES OFÍCIOS E SABORES DE VIMIOSO
Ampeçou hoije i cuntina ne l próssimo fin de sumana la feira de artes oufícios i sabores de Bomioso. Manhana será la montarie al cochino brabo, na Junqueira i todos stan sperançados que bai a ser ua de las melhores batidas de l Praino. A la tarde haberá pauliteiros i serán arrematados ls cochinos que se acaçáren. Mas la feira tenerá to la culidade de pordutos regionales i bárias atibidades culturales.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão
