Cumo bos habiemos dito onte, la feira de artes, ouficios i sabores de Bomioso fui neste fin de sumana i onte atuórun ls gaiteiros de Augas Bibas de l cunceilho de Miranda de l Douro i ls gaiteiros de Serapicos, aldé de l cunceilho de Bomioso. Ye de ls gaiteiros de Serapicos l bideo que bos amostramos.
Gustariemos de bos poder dar las eimages de la montarie al cochino brabo i de ls pauliteiros, mas inda nun tenemos todo porparado. Esta ye ua atuaçon de ls gaiteiros na Alfandega de l Porto i cumo pouca giente biu ls gaiteiros de Serapicos, ponemos este bideo para berdes que ls trajes tamien ténen la sue oureginalidade i amóstran bien que l Praino fizo siempre parte de la miesma cultura.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
