Onte fui comemorado an Miranda de l Douro, l 50º. Anibersário de ls bumbeiros de Miranda. Ye meio séclo de bida, al serbício de las gientes de l Praino. Nas cerimónias stubo l Secretário de Stado de la Admenistraçon Anterna. Nestas oucasiones, porque son ralas las bezes que eiqui bénen ls gobernantes, las anstituiçones píeden las cousas mais neçairas, para ber se l goberno se lhembra deilhas. Las obras de recuperaçon de l quartel fui ua de las que mais se lhembrou i parece que agora será de beç que ampeça la obra.
AN SENDIN LA BIDA CUNTINABA CUN NORMALIDADE
Miesmo sendo Demingo, la giente cuntinaba l trabalho de l’apanha de la azeituna porque hai que aporbeitar ls dies buonos, porque l’Ambierno stá ende i la chuba, la niebe i l friu nun dan çcanso a la giente.
Tamien fui mais un die de caça i inda que esta seia pouca, inda ancuntremos quien bai fazendo gusto al dedo.
HOIJE YÁ HOUBO AMBORAS PARA CUNTAR
A purmanhana, seríen por enda 8h30 de la manhana, quando ua carrinha cun bitelas mirandesas se derigie para l matadouro na Miranda, al chubir la rampa acerca de l quartel de ls bumbeiros deixou caer dous bitelos que fazírun cundicionar l tranzito na antrada de la cidade, mas feliçmente nun houbo nada de grabe.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
