Ende stá ua nuoba amportante para la proteçon de la bida selbage, nas tierras de l Douro Anternacional. Las nuobas linhas de alta tenson, yá quédan cun essas giringonças para que l páixaros nun se zbárren neilhas, mas tamien las outras recebirán esses spantalhos, mas cumo podeis ber pul bideo, nun ye fácele poner-los. L HOIJE stubo culs trabalhadores i oubiu la splicaçon de un deilhes.
Para nós fui ua admiraçon ber estes trabalhos i mais inda, quando l trabalhador que andaba an riba de las linhas, iba comentando l nuosso trabalho a puntos de mos pedir para irmos alhá arriba tirar-le l retrato mais d’acerca, porque se nó, naide iba a saber quien era aquel que andaba alhi tan alto, mais parecendo un eistraterrestre. Mas nun bos admireis del dezir esso, porque l próprio yuotube, mos sugeriu poner nas palabras de busca, l nome de ua nuoba máquina boladora.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
