G.D.MIRANDÉS MANTEN-SE NA TAÇA DE LA A.F .B.
Yá ben sendo hábito, l Mirandés fazer buona figura na taça de la Associaçon de Futebol de Bergáncia i este anho nun fuge a la regla, alhá ándan i desta beç fúrun a Lamas cunseguir perder solo por la çfréncia mínima, l que permite pensar an seguir para las meias finales de la proba. Para esso, basta ganhar por mais de un golo ó se la çfréncia fur essa, ganhar ne ls penaltis.
Mantener stablidade nas eiquipas ye meio camino andado para tener sucesso i l mirandés ten mantenido la base de la sue eiquipa hai bários anhos i ten mantenido l treinador, que ye un sendinés, Francisco Parreira. Este bideo amostra las partes mais amportantes de l jogo i apresenta ne l fin, la oupenion de ls dous treinadores, sendo de referir que Chico Parreira ten la miesma oupenion que nós tenemos, que ye la de que l mirandés bai a passar a las meias finales.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
