Buonas tardes!
Caminos d'antrada pa la prensa
Stou-le a screbir porque na semana que acabou, ou seia antre 06 i l'die d'hoje andei por Sendim, claro stá a apanhar azeitunas.
Un die fui-me a la prensa nuoba onde mie mai ye sócia, i quedei pasmado cun dues situaçones:
1- L' camino que mais parecie um tulheiro, tanta era la lama, que cumo fui a pie cheguei alhá, "mete pie saca pie", todo ambarrado.
2- L'sgoto de la staçon de tratamiento botaba um cheiro, que nun se pudie star an pie del, i nun ye berano se nó, morrie-me cul cheiro.
Staçon de tratamiento
Achiguei-me mais abaixo, al rieiro i puode ber ua lama negra que parecie petrólio, buono, you nun sou nin puodo eimitir oupiniones politicas, dada la mi cundiçon, mas quien querga que tenga esses poderes de decison, ten que botar manos a esto.
Apuis, a la nuite, no café çcubri que antiamente l'sgoto iba para trés ribeiras; a saber (carabilha, bergel i la que passa na staçon, ou seia l que era çtribuido pal riu en trés puontos, era agora cunduzido solo para essa ribeira mas sin tratar, que se you nun m’anganho bai a tener a Forcaleiro.
La ribeira de l seixo
La prensa ye un chamadouro de gentes de fuora, i nun stá nada bien estes tristes spetáclos.
La cousa parece tanto ou mais grabe porque alhi hai un ambestimento a apodrecer, l'sgoto curre a cielo abierto, i para mais nun antendo la posição del PNDI que deixa esto acuntecer, que son tan chatos porque se corta um carrasco seco, no terreno que mos pertence i nun béian esto, i al que parece ya stá assi hai alguns anhos.
Yo mandaba-le uns mails a bárias antidades mas nun sei a quales, talbeç la CCRN , Ministério del Ambiente, ou PNDI, ou Goberno Cebil
La politica segundo dízen ls antendidos faze-se no goberno i na ouposiçon, i you acho que nenhum stá a fazer nada para remediar las cousas.
Se quejirdes teneis eiqui un tema buono para abanar cuncências a ber se algo se faç.
Yo apesar de nun star recenseado aende, por motibos óbios, gustarie de un die quando me reforme, tornar a la tierra que me viu crecer, onde daprendi las letras i la doutrina i ye cun muita pena que beio estes atentados...
Buonas fiestas i melhor 2011 !!
