Parece que als poucos la cultura de las binhas se bai modernizando, por bias de la falta de quien trabalhe i de la necidade de melhorar la culidade. Hai ancentibos para se fazer esso, mas la belheç de ls labradores i l anuncio de que ban a pagar mais para abandonar las binhas que para las modernizar, bai tornando defícele la modernizaçon.
Ua binha yá modernizada
Quando hai ajudas de la EU para qualquiera cousa, solo se bai sabendo, por estes lados, quando ls que nunca fazírun nada por nós, yá ténen todo porparado para se fazer solo l que eilhes quieren. I la maiorie de la giente nada aporbeita. Mas desta beç algo se fizo i ende stá l resultado.
A poner ua binha nuoba
Bamos a ber se las reglas para l arranque de ls binhas chégan a todos i se apuis nun ban a ser solo uns poucos a recebir las ajudas. You por la parte que me toca irei anformando a todos, tanto ne l hoije , cumo ne l cuntato cun las pessonas.
Yá hai grandes binhas modernizadas
Hai binhas que dán muito trabalho i la culidade nun ye mui buona, essas ye melhor arrancá-las, mas débeis anformar-bos bien para recebir las ajudas i que inda son grandes.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
