Hoije fui la Assamblé Giral de la Associaçon de Caça i Pesca de Sendin para aprobaçon de cuontas i para la eileiçon de la direçon para ls próssimos dous anhos.
Las cuotas fuoran aprobadas por ounanemidade. Houbo un saldo positibo de 961.72 euros.
La Assamblé Giral
Por aqueilho que mos fui dado ousserbar, l trabalho de la direçon, ne l último anho, fui buono. Fazírun-se montaries a las raposas i als cochinos brabos, para cuntrolar l númaro desses animales i al mesmo tiempo, fizo-se criaçon de coneilhos i botórun-se perdizes, para que la caça nun falte.
La mesa de la Assamblé Giral
La pesca tamien nun fui squecida i fizo-se un cuncurso ne l ancho de Mondin.
Fazírun-se sementeiras para ls coneilhos i las perdizes tenéren mais de comer.
Las fiestas i l cumbíbio antre ls sócios i l pobo tamien fúrun amportantes, cumo yá eiqui bos dei la nuoba.
Ls sócios a ber ls decumientos
Para la eileiçon de la nuoba direçon, fui antendimiento de todos que quedasse mais dous anhos la mesma direçon.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
