Muita giente me preguntou se haberie tamien esta abe an Sendin i onde se poderie ber. Por l que cunsegui saber hai dues pessonas, an Sendin que yá l bírun al anuitecer, para ls lados de l Corso. Tamien noutras aldés hai giente que l biu, mas solo ua me dixo que çcunfiaba onde tenerie l niu.
Para l berdes melhor ende teneis l bufo
L que mais me ampressionou fui l sou oulhar. Ls uolhos son mesmo apropiados para ber de nuite. Por aqueilho que se sabe ye la maior abe predadora de la nuite i chega mesmo a comer águilas, mas l sou alimento percipal ye l coneilho brabo i l ouriço-cacheiro. Cháman-le l rei de la nuite.
Mirai bien para ls uolhos
Cumo ye ua abe an bias de acabar, hai que fazer un trabalho mui grande para la porteger i fui a saber l que se staba a fazer ne l Parque de l Douro Anternacional. Pouco me sabírun dezir, mas siempre ancuntrei un de ls que stúdan las abes, que me dixo que stában porcurando saber ls casales que haberie,
Porqui haberá un niu
Nestas cousas hai que tener muito cuidado i inda mais, quando la falta de ls animales que serbíen para se alimentáren, ban faltando cada beç mais. Hoije acumpanhei un trabalho subre l studo de las abes, mas inda stou a porparar ls retratos.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
