Sendin i ls sendineses nun son alhenos a las nuobas tecnologies i podemos mesmo dezir que tenemos muita giente cumpetente. L SAL tamien nun se queda i las nuobas tecnologies son outilizadas para tornar l “Sendin An Linha” nun sitio onde ls sendineses puoden ancuntrar nuobas ouportunidades i mostráren l sou talento.
L curso de mirandés dado por Amadeu Ferreira
L HOIJE ye ua de las atibidades de l SAL i que faç ua grande ligaçon antre ls sendineses de todas las partes de l mundo, mas hai muitas mais i agora stan a porparar-se outras ne l campo de la léngua i que muito bai a cuntar cun las nuobas tecnologies. La léngua ten sido muito dibulgada por aqueilhes que la scríben i tamien por ls cursos que se dórun, mas ten que se tornar ua prática de muitos mais.
L tradutor pertués-mirandés
Ua de las melhores cousas que l SAL apersentou fui l tradutor , que fui ua aplicaçon de las nuobas tecnologies por parte de Cecílio, que ye un berdadeiro técnico anformático. Mas nun ye solo l tradutor , ye tamien la biquipédia an mirandés. I stá a porparar-se un curso de mirandés an “ e-learning” , que ye un curso que cada un puode tirar zde sue casa, cun l acesso por la anternete. Bai a ser defícel de gerir, mas cun la ajuda de ls que sáben i puoden todo se bai a cunseguir.
La biquipédia
Outra de las cousas que se stan a porparar ye la telbison digital an mirandés, pul menos an alguns dies de la sumana, para dar las nuobas i las pessonas podéren oubir falar an mirandés. L tradutor mirandés-pertués tamien bai a ser ua realidade.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
