SENDIN --- 0
La scuolha del campo
Mais un jogo del çtrital de futebol, desta beç an Bomioso i l Sendin perdiu por 3-0. Fui un jogo bastante eiquelibrado durante la purmeira parte, an que l Sendin jogou bien, mas la falta de spriéncia, mais ua beç lebou a mais ua derrota. L Sendin quando nun marca purmeiro, parece que se anfrioriza.
L Bomioso atacaba
Mas l Sendin respondie
La purmeira parte fui un jogo de parada i respuosta i a un ataque del Bomioso, respondie l Sendin cun outro. L Bomioso fui mais feliç i acabou la purmeira parte a ganhar por 1-0, resultado que nun se justeficaba, yá que l Sendin falhou bárias ouportunidades de marcar.
Até metade de la segunda parte todo cuntinaba eigual
Apuis del segundo golo del Bomioso l Sendin deixou de jogar
Até al segundo golo del Bomioso, l Sendin inda fizo todo por ampatar i poderie tener feito un ou mais golos, mas l Bomioso nua jogada de contra-ataque faç l segundo golo. Ls jogadores del Sendin, zanimórun i nun campo mui pesado, por cousa del tiempo de chuba, que parece nun querer parar, anfriorizórun-se i fui l Bomioso que passou a mandar nel jogo, acabando por fazer l 3-0.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
