Sendin fui abadie durante muitos anhos i inda hai giente que se lembra de srº. abade, l último. Agora yá nun sei cumo ye esso de las eigreijas i se inda hai essas catagories de eigreijas, ou se solo hai catagories drento de la hierarquie de la Eigreija. Mas yá que stou a screbir esto, la nuoba tamien bai a serbir para mi, yá que bou a saber dessas cousas.
La eigreija de Sendin
Sendin fui abadie de la apersentaçon alternada del bispo de Bregançia e de la Orde de Malta, pertenecente a la comenda de Algoso, de la dita Orde. Nel anho de 1862, cunsante la statistica paroquial, fazie parte de la abadie de Sendin, la eigreija de Ruolos, que era anexa de la paróquia de Sendin.
La eigreija de Ruolos
Mas nun era solo la eigreija de Ruolos que era anexa de la abadie de Sendin, tamien la eiigreija de Picuote era curato anual del abade de Sendin i anexa a la abadie de Sendin. Parece que cun las guerras antre ls particos, durante la purmeira República i agora, Sendin fui-se deixando ambrulhar an politiquices, cumo yá habie acuntecido nel tiempo de l’anquesiçon.
La eigreija de Picuote
La bielha eigreija de Santo Cristo tamien de Picuote
L resultado de las guerras antre ls partidos, solo benírun traer debisones antre ls sendineses. L resultado ye l que se bei. Yá nien ne l que ye nuosso mandamos. Ls outros ban arrebanhando todo i cun todo l que tenemos de buono quieren acabar. Mas nun bai a ser fácele.
Quien son ls outros?
Ls que nun son por Sendin i todos ls que dízen que nun sáben quien son esses outros. Ls que pénsan mais neilhes que en Sendin. Ls que ténen rábia al que screbi.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
