Bai yá bastante adelantrada la obra de l arranjo de las Eiras i todo lieba a pensar que ne l Berano yá stará acabada. Ye ua de las buonas obras que se fazírun an Sendin, tanto pul que eilha repersenta, cumo por l que traie de melhorie para la apersentaçon turística de Sendin.
Ls trabalhos ándan
Por bezes fázen-se uas oubrecas, que pouco ou nada adelántran a nun ser satisfazer pessonas cun anteresses personales ou que pénsan inda a la moda de ls salazaristas, que se cuntentában cun pouco i an todo esse pouco, bien la bundade de ls mandantes, an beç de béren, que esso nun passaba de un antreten para ls traer calhados.
Yá parece ua praça
Tamien hoije se fázen cousas sien feturo i sien que la rentabilidade deilhas seia algo que puoda ajudar a la bida de las pessonas. Cantar i beilar, lhonas i cuntas, todo faç falta i ye amportante, mas an tiempos de crise, hai que apoiar todo l que ye pordutibo, porque tener que comer ye hoije l percipal.
La zona de ls lagos
Mantener i criar ampregos ye l mais amportante, mas ampregos pordutibos i nó ampregos para antretener las pessonas por uns meses i dáren l sou boto nas eileiçones. L HOIJE bai a star atento i spera que Sendin nun torne a quedar para trás.
Nun se puode mirar para las pessonas cumo cousas i hai giente, an Sendin a passar fame i miséria.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
