Quaije 180 freguesies i câmaras pertuesas i spanholas de la "region más deprimida de to la Ouropa" assinórun hoije l cumpromisso de aporbeitar un nuobo strumiento ouropeu para salir de la depresson i criar un nuobo modo de coperaçon frunteiriça i oufecializórun un (Agrupamento Europeu de Cooperação Territorial - AECT).
L barco onde ass inórun l AECT
Estes agrupamientos son ua nuoba ferramienta criada pula Ounion Ouropeia, que permite a estes agrupamientos cuncurrer diretamente a fondos quemunitairos, statales ó regionales, ne l caso spanhol, ne l caso pertués ye un pouco çfrente.
Trabanca
L percipal oubreiro de la criaçon deste agrupamiento fui l alcalde de Trabanca, un pequeinho pobo de Spanha acerca de Fermoselhe. Deste agrupamiento, tamien faç parte Sendin, será agora amportante que ls sendineses stéian todos juntos i nun ánden a las buoltas cun ls anteresses de ls partidos, mas de Sendin.
L riu
Que l riu seia un de ls antrumentos amportantes para ajuntar ls pobos de Pertual i Spanha i que seia tamien, cun las arribas de un lado i de l’outro, ua fuorça de ounion i porgresso. Que ls porjetos béngan a traer algo melhor que ls de l INTERREG, que serbírun mais ls homes de ls porjetos, que ls pobos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
