La Associaçon Cultural de Atanor fizo dieç anhos i nun deixou passar l die sien fazer ua fiesta de anhos. La Associaçon ten muita atibidade al longo de l anho i ye ua de las cousas mais amportantes de Atanor. Ls moços d’alhá ye que la fázen andar para lantre i durante l anho stá siempre an atibidade.
La Associaçon
La Associaçon ten buona cumbibéncia cun la AEPGA i quando esta ten atibidades, la Associaçon Cultural sirbe de ajuda, serbindo l comer ou ls cafés i las bobidas a las pessonas que besítan Atanor, quando hai atibidades. Son ls diretores, la maiorie moços i moças, que fázen todo l trabalho i sírben las pessonas.
L bolho de anhos
Cun todas estas atibidades, ban cunseguindo ajuntar denheiro para las çpesas i para las obras de la Associaçon, que inda hai pouco tiempo, fizo la modeficaçon de todo l spácio, costruindo un sitio cubierto para las pessonas podéren quemer, tanto ne l tiempo de chuba cumo de calor.
L persidente de la Associaçon, Moisés, a falar
L persidente i outro membro de la direçon, Pedro, a çtribuir l bolho
De la Associaçon, son associados muitos sendineses, que stubírun tamien a la fiesta. Este ye un eisemplo de l que se puode fazer quando hai ounion i las pessonas pénsan na sue tierra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
