Quien nun quier fazer nada ou ten rábia a quien faç, arranja siempre çculpa para todo i para nun dezíren que l que l’amporta ye l denheiro, dízen que nun hai quien trabalhe, que nun hai giente, que nun dá. Mas l Mundo ye de ls que nun ténen miedo i nó de ls que çcunfían até de la sue selombra.
Ua de las nuobas plantaçones de binha, an Sendin
Muitas mais se stan a poner i cun recurso a las nuobas tequenologies, cumo la tequenologie de raio-laser, que nun die permite poner mais de uito melheiros, cun un trator i dous ou três homes. Mas anquanto noutros sítios se béien las ampresas a cerrar la puorta, porqui nun hai desamprego, a nun ser para quien quier ser anteletual ou ten miedo de fazer calhos nas manos.
Ua binha mecanizada
Mas nun ye solo de agora que hai binhas mecanizadas, yá uns anhos que se ban bendo nuobas plantaçones. Las binhas bielhas, onde las pessonas nun parában de pie i teníen que botar mano de burros i mulas para las porparar, stában cundanadas a ser arrincadas. Mas la bida ye mesmo assi i las pessonas dében ser libres de fazer l que ye melhor.
A poner ua binha cun las nuobas tequenologies
Tamien habie giente a ber
L Mundo cuntinará siempre caras a un feturo melhor, mas cun quien mantén puostos de trabalho i cria riqueza i nó cun quien passa la bida a creticar i a filosofar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
