ARGOSELO – 1
Mais un jogo de l çtrital de futebol antre l Argoselo i l Sendin, jogo que tenie muito anteresse porque stában an jogo dues cousas amportantes, l Argoselo querie quedar ne l 2º lugar de l campeonato i l Freixo querie passar para lantre de l Sendin. Cumo acuntece ne l futebol de la purmeira liga, tamien porqui hai anteresses i ls derigentes nun fázen atençon.
La eiquipas
La que ganhou
L Sendin apersentou outra beç ls sous melhores jogadores i l jogo corrie de eigual para eigual, nun parecendo ser l 2º acontra l penúltimo i l anterbalo chegou cun l resultado de 0-0. Parecie que las dues eiquipas nun queríen perder l jogo.
L jogo fazisse ne l meio de l campo
Na segunda parte, l Sendin ampeçou a ser melhor i fui anton que l árbito, que yá benie faborecendo l Argoselo i bendo l Sendin a poder ganhar l jogo, resolbiu la question i marcou un penalte acontra l Sendin, cousa que naide biu i lougo a seguir, spulsou un jogador de l Sendin.
L Sendin yá nada podie fazer
Ye pena haber destas cousas ne l futebol. L jogador fui spulso sien naide saber porquei. L que si se sabe era que todos sperában que el marcasse un golo, mas l árbito yá nun deixou. Splicaçon de l árbito, ls dous amarielhos fúrun por palabras, un na purmeira i l’outro mal l Argoselo marcou.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
