Hoije ye l die anternacional de la dança i nada melhor que falar-bos de dança por tierras de Miranda i falar-bos tamien de ls traijes que se usában ne l Praino i que hoije se manténen ne ls ranchos de ls grupos de dança de las aldés de l cunceilho.
Traije de la mulhier i l’home
Habie l traije demingueiro i l traije de trabalho, nun bou a falar de cumo éran ls traijes i de todas las piêças que l cumponíen, porque esso oubri(g)arie a un grande testo i yá hai muito scrito por ende, de l que bos quiero falar ye de las quelores i de la rezon deilhas.
Par a dançar
Grupo de ls porsores
L clima ne l Praino ye de muita calor ne l Berano i muito friu ne l Ambierno, por esso ls traijes éran de cierta maneira austeros cumo l clima, mas cun quelores bistosas, an special ls de las moças i ties, an que l amarielho, l berde, l burmeilho i l roixo sobressalíen.
Las quelores de ls trajes
Todo este quelorido l fúrun a buscar de ls pimpilros, de las papoulas i de todas las flores que neste tiempo se béien por las arribas, cousa marabelhosa i que manhana bos amostrarei i als campos de centeno i trio, als prados i restrolhos de l nuosso termo, que na Primabera i ne l Outonho, son l ancanto de l l Praino.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
