Mais un jogo antre l Sendin i l Mirandés, este ne l último jogo de l campeonato çtrital i cumo estes jogos questúman ser siempre jogados cun ganas redrobadas, porque son eiquipas de l mesmo cunceilho i cada ua quier mostrar que ye melhor, yá le cháman l derby de l Praino.
Muita giente a ber
L jogo fui bastante eiquelibrado, mas porque l árbito spulsou un jogador de l Sendin lougo als 5m de jogo. Mesmo cun 10 acontra 11 l Sendin jogou de eigual para eigual, mas l mirandés acabou por ganhar porque fizo un golo lougo als 3m de jogo.
L jogo fui eiquelibrado
Fui pena la spulson, porque anferiorizou l Sendin que tubo que jogar cun cuidados redrobados, mas mesmo assi i todo, l mirandés nun atacou muito porque staba mais anteressado an guardar l 1-0 que an marcar mais. Assi l jogo passou a ser jogado cun las eiquipas a splorar l contra-ataque.
L Sendin contra-atacaba
L mirandés tamien
Mas l jogo acabou cun 0-1, sien ancidentes
Houbo muita giente a ber i ne l fin, l Sendin fizo ua fiesta cun ls sócios i ls jogadores a quien pagou todo l que habie a pagar. Nun tiempo de crise, ye un ourgulho para nós ber que l nuosso grupo çportibo ten las cuontas an die.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
