Die 25 de Nobembre ye l die de Santa Catarina i yá dezien ls bielhos:
L die de Santa Catarina,
Pon ls alhos na cortina!...
Porque ne l die de Natal,
Há de tener l alho
Bico de pardal!...
L die stube de sol i muita giente fui a azeituna, mas cumo era Demingo, hoube futebol antre Sendin i Argoselo.
La antrada de las eiquipas
L jogo fui muito eiquelibrado i las dues eiquipas jogórun pouco i quaisque siempre ne l meio de l campo. Parcie que tenien miedo de perder.
L jogo ne l meio de l campo
Na parte final l Sendin inda fizo todo para ganhar i tubo ua falta que mos parciu penalte, mas nun fui capaç de marcar mais un golo.
La falta junto de la área de l Argoselo
No Sagrado scutisse la pormessa de l goberno de fazer ua auto-strada an Trás-os-Montes, un túnel ne l Marão i l IC5, que ye ua strada que ben de cerca de Murça a Miranda. Speramos que las pormessas se cumpran, mas la nuossa Câmara ten que fazer todo para l IC5 ligar a Spanha.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
