ZONA ANDUSTRIAL?
Iba al Pilo a ber ua cousa que bos querie mostrar, mas ten que quedar para outro die.
L Pilo , fui siempre un de ls lugares de l termo onde íban a buscar la piedra para las obras.
La zona andustrial
Mas cumo l camino yá staba alcatronado, parei a tirar uns retratos, quando se achegou un tiu que me perguntou :
- Ye para poner na anternete?
- Ye porquei?
- Faç bien, dízen que ten mostrado muita cousa. You nun beio, mas oubo dezir. Habie de fazer uas fuolhas cumo faç l padre, para ls que nun tenemos anternete, bermos.
- Mas ls mius retratos son an quelores i quedaba mui caro i sin ser an quelores, nun quedaba bien.
Tirei mais un retrato de l fin de la rue.
De la punta de la rue, caras a Sendin
- Anton nun arranja quien pague?
- Bamos a ber!..
- Dízen que aqui bai a ser la zona andustrial, mas habien de tener feito la rue até a la tierra de la junta.
- Mas agora fazírun esta parte, apuis lougo se bai a ber.
- Yá beio que nun quier falar muito.
De l meio de la rue
La cumbersa cuntinou, mas l Hoije nun puode ser mui grande.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
