Apuis de star onte na “zona andustrial” fui a besitar l que yá habie alhá i quedei mais ua beç cuntento, por ber que inda hai quien ambista an cousas nuobas i amportantes, an Sendin.
Cumo ye ua zona cerca de l Pilo , zona de piedra, ende stá ua andustria mui amportante i que amprega giente i faç mobimentar muita outra.
La andústria de la piedra
Outra atibidade que stá an zambolbimento son ls alumínios, la bidrarie i l PVC. Un nuobo pabelhon stá costruido alhi, onde se fázen struturas desses materiales i portones outmáticos.
La serralharie
Outra obra amportante, ye la nuoba Central de la Fachás, que ye ua casa comercial moderna i que mostra l sprito ampreandedor de ls jobes sendineses.
La Central de la Fachás
Dezie-me l tiu:
- Para qu’anda cusso? Inda por riba l ban a creticar.
- Mas you nun m’amporto, siempre hai quien guste i you gusto de fazer esto.
- Tamien ye berdade, por l que oubo falar, la maiorie diç que stá bien.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
