Nun ye fácele falar desto eiqui, porque ls sendineses i inda bien, ténen ourgulho ne l que fázen i ténen ambeija, mas esta ambeija para mi ye buona, porque quieren ser melhores que ls outros. Se an Pertual la giente fusse toda assi, habie mais pogresso. I you yá sei que ban a querer que pónga todo l que hai.
Mas you bou, al longo de l més, a mostrar l que tenemos. Hoije uns, manhana outros. Todos ban a tener la sue beç. Esto tamien, para ls que stan fuora béren, que quien acá queda faç Sendin bibir.
La Labandarie
La casa de las flores
La costruçion cebil
Estas três cousas son un eisemplo de que an Sendin hai quaisque de todo i esso debe-se als que nun desísten i cuntínan a rejistir. Sendin cuntina bibo i an pogresso.
Sendineses, amai l que ye nuosso i stareis a fazer cun que bós séiades mais ricos. Cada beç que un sendinés bai mais para lantre, ye Sendin todo que ganha.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa
