Sendin – 2
Carrazeda - 0
Neste més l G.D.Sendin fizo 30 anhos i hoije a seguir al jogo para l campeonato çtrital, houbo ua cena cun ls associados, ls fundadores, antigos jogadores, colaboradores, Junta de Freguesie i Câmara Municipal.
L jogo fui contra l Carrazeda i corriu bien an todos ls sentidos, muita giente a ber l jogo, bun jogo de las dues eiquipas, i buona arbitrage. Al fin de la purmeira parte, l Sendin ganhaba por 1-0.
L começo de la 2ª. parte
Na segunda parte las dues eiquipas jogórun cun garra, mas l Sendin ten melhores jogadores i esso fui decisibo, l Sendin marcou mais un golo i ganhou por 2-0.
Cun este, ye l terceiro jogo seguido a ganhar.
L Sendin a lançar un ataque
La cena fui no salon de ls bombeiros i stube muita giente.
Para la fiesta, l G. D. Sendin tubo l apoio de ls bombeiros que amprestórun l salon, de la Câmara Municipal i de la Junta de Freguesie.
La cena
Apuis de ls çcursos de l questume houbo l’antrega de lembrancias als fundadores, als perjidentes del clube, jogadores mais antigos i al treinador na representaçion de ls mais nuobos.
Fui mui agradáble ber a la cena, la direçon de l G.D. Mirandés. Ls dous clubes de l cunceilho ténen buonas relaçones i quando assi ye todo cuorre bien. Tamien recebírun ua medalha de ls 30 anhos i fúrun mui aplaudidos.
La antrega de medalhas
La cena fui serbida por Eisidro i stubo todo bien, até metiu bolho de anibersairo i todo.
No site de l G.D.Sendin, que puode ancuntrar ne l SAL, stán todos ls retratos de l jogo i de la fiesta.
L bolho
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
