Mais un jogo de futebol para la taça de la A.F.Bragança, no campo Balantin Guerra, an Sendin.
La tarde staba buona, nun fazie friu i nun chobiu durante l jogo.
L campo staba algo molhado de la chuba que caiu durante la nuite, mas l jogo fui bien jogado por dambas las eiquipas.
Las dues eiquipas antregórun-se bien al jogo
L Sendin fizo mais por ganhar l jogo, yá que jogaba an casa. I stubo a ganhar até al meio de la segunda parte. Mas l arbito deixou passar un fuora de jogo i l Bomioso fizo l 2-2.
L Sendin tubo bárias oucasiones para ganhar, mas la bola teimaba an nun antrar.
Ua buona oucasion para l Sendin marcar
Speraba-se l golo, mas mais ua beç l arbito antreferiu ne l jogo, contra l Sendin i spulsou-le un jogador.
Assi i todo, l Sendin nun desanimou i solo nun acabou por ganhar por pouca suorte.
L Sendin a mandar no jogo
Mesmo subre l apito final falhou un golo cierto i l resultado nun se altarou.
Resultado final:
Sendin – 2
Bomioso – 2
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
