Quando aparece ua nuoba de l die, ten que se dar lougo i las outras ténen que quedar para mais tarde.
Ye l que assucede hoije, an que la cuntinaçon de las nuobas subre la scuola ténen que quedar mais un die para trás, yá que hoije tengo ua nuoba de l die.
Yá muito tiempo que se andaba para cumponer este poço, que yá naide se lembra l’eidade que ten, mas que ye mais ua cousa antiga que deberie ser cunserbada i hoije chegou-le la beç.
Cumo ampeçou la obra
Este poço queda nun curral i todo l que se puode dezir ye que serie comunitairo, cumo muitos outros que hai, an outros sítios de Sendin, parcidos cun este. Era anteressante fazer-se un studo subre la forma de poboamento de Sendin.
Un die destes yá bos mostro ls outros currales i que son anteressantes tamien.
Quien trabalhou
Ls retratos son amportantes cumo decumentos para que daqui a 50 anhos, quando yá naide se lembrar, nun haba dúbidas de quien l arranjou.
L hoije, stube alhá i registrou todo. Fui la Junta de Freguesie que fizo la obra.
Quando se acabou de cumponer
Ne l retrato stan alhá dous bezinos que bírun tamien.
Puode parcer ua cousa pouco amportante, mas ye cun pequeinhas cousas que se ban fazendo las grandes.
L poço, onde queda?
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
