Até 1931, anho an que l goberno de la ditadura nacional costruiu la scuola bielha de Camino Prado, la scuola era no Largo de l Canzielho, na casa de ti Chanqueira i na de Antonho Chacho, que na altura éran ua sola.
Yá solo hai dous homes que a ndórun nessa scuola i un que inda cumprou alhá l purmeiro libro, mas yá fui a scuola para Camino Prado.
Onde era la scuola no Largo de l Canzielho
An 1931 passórun para la scuola de Camino Prado.
Ls purmeiros alunos de la scuola de Camino Prado, plantórun la moreira que stá no adro de la eigreija.
Un die destes yá bos cunto esso.
Fui nessa scuola que ampecei a dar aulas.
La scuola de Camino Prado ye hoije la casa de la cultura.
La casa de la cultura
La casa de la cultura mantubo la mesma planta, por fuora, que tenie la scuola.
An 1967 fui l anho an que se costruiu la scuola onde hoije funciona l purmeiro ciclo. Nesse anho passórun a funcionar las dues, porque ls alunos éran muitos.
Nessa altura passou a haber cantina na scuola bielha.
Onde hoije y ela scuola de l purmeiro ciclo
Yá bistes que esta scuola stá onde era la resbalina de las eiras?
La scuola bielha fui onde ampeçou l ansino anfantil até que se fizo la scuola para el.
Sendin fui ua de las purmeiras tierras de Pertual a tener ansino anfantil oufecial. Era you prejidente de la Junta de Freguesie i fui ua de las purmeiras cousas que pedi, cumo prejidente.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
