Quanta giente yá se lembra de que l die 12 ye l die de feira mensal de Sendin?
Hai siempre quien rejista a todo. Se hai ua malina, un terremoto, ua guerra ou ua çtruiçon, hai siempre algo que queda. Ye por esso que l mundo nun acaba i cumo dezie Lavoisier – na natureza,nada se cria, nada se perde, todo se transforma -.
Pus, todos ls dies 12, hai siempre un tendeiro que ben a fazer la feira.
L tendeiro
I hai tamien, siempre, quien bai a comprar.
Las feiras ban, cul tiempo, acabando ou sendo mais pequeinhas. La de Sendin zde que la mudórun de l Sagrado para las eiras quaisque acabou.
Quando era no Sagrado, apuis que Sendin ampeçou a tener mais mobimento, fui sendo cada beç mais pequeinha i talbeç por esso la mudança fusse neçaira, mas hai que ber que la abenida de l Ciclo, nun fui l melhor sitio.
La eigreija antiga
Mostro-bos la eigreija antiga para bos dezir que era nas arrecadaçones de l lado dreito de la eigreija que se metien las bancas para ls feirantes ponéren las cousas.
Las bancas éran arrematadas i l que pagában era para la mordomie de las almas.
Anquanto se recostruiu la eigreija i apuis, las bancas andórun de un lado para outro i sin sitio próprio, acabórun por deixar de serbir.
La baranda de la casa de la praça
Inda stubírun nessa casa algun tiempo, mas cumo la eigreija nuoba yá nun tenie onde las meter, acabórun.
Era amportante ber se la feira se debe fazer ou nó.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
