L die d’hoije fui un die d’ambierno i nin sequiera se podie salir de casa. Por la manhana inda stubo scurrido, mas apuis d’almuorço fui chober a bun chober.
Habie ua montarie a las raposas, mas cumo la tosseira inda deixou uas raspias, quedei an casa i fiç bien.
Recebi uns retratos de uas piedras cun graburas de astronimie i mirai que ye bien anteressante para la nuoba d’hoije.
Las piedras
Na rue de la Calçada habie you bisto tamien uas piedras eiguales, mas la giente lougo las faç zaparecer. Quedou l retrato, mas siempre hai quien nun acradite.
Se algun de bós soubir de algo parecido dezi.
La splicaçon desta grabura nun me parece mala
Diç l que me las mandou que parece un home. Se hai quien puoda ajudar a splicar melhor, serie amportante.
Esta piedra fui ancuntrada por un rapaç de Cicuiro coincido por Tiégui.
Tiégui ten un blog an mirandês, a la moda de Cicuiro, que el nun bai muito cun la cumbençon, mas ye anteressante.
www.cicuiro.blogspot.com
Esta ten mesmo la cumparaçon al lado
La arqueologie ye mui amportante para studar la stória. Ne l die 13 de Nobembre ya bos habie mostrado tamien outras cousas.
Esta piedra parece que ten las streilhas de la cunstelaçon Orion.
Las graburas de Foz Coa nun son las únicas, ne l riu Douro i an todo l praino, tamien hai muita, cumo an Atanor, Dues Eigreijas, Picuote i Sendin. Nun son tan coincidas, mas hai que fazer algo por esso.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
