Mogadouro – 2
Sendin - 1
Mais ua jornada de futebol de l çtrital de la A. F. Bragança.
L jogo de l Sendin era defícel, yá que era contra l Mogadouro, an Mogadouro i inda mais quando l Mogadouro stá a fazer todo para chubir a la 3º. debison.
La purmeira parte fui eiquelibrada, mas l Mogadouro ganhaba por 2-1.
L Sendin a einiciar la jogada de l golo
Na segunda parte l Sendin fui mais fuorte i todo fizo para ganhar, mas l Mogadouro soubo defender la bantaige i cun la ajuda de l arbito alhá eibitou que l Sendin marcasse mais un golo.
L Mogadouro solo paraba l Sendin cun çancadielhas
Houbo un penalte contra l Mogadouro que nun fui marcado i un jogador de l Mogadouro que debeberie tener ido mais cedo para casa, yá que fizo bárias faltas contra ls nuossos jogadores.
Assi i todo l Sendin dominaba l jogo
L jogo fui nun campo relbado i cun muita giente a ber.
Yá fui pormetido relbar l nuosso campo. Ls jogadores yá mostrótun que sáben jogar nun campo assi. Que faç falta?
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
